Spital, apo konsulore pensionistesh?

 

ANILA PRIFTI

 

Në 11 Maj 2015, kur kryeministri Edi Rama u kërkoi votën banorëve të Tepelenës për Termet Peçin bëri këtë premtim:

“Nga garantimi i mjekëve të rinj për spitalin e Tepelenës, që janë duke munguar për shkak se ata me më eksperiencë janë drejt pensionit dhe më të rinj nuk ka dhe për këtë arsye, qeveria ka një program të plotësimit të boshllëqeve për mjekë specialistë në një sërë spitalesh të vendit”…

https://ëëë.ps.al/te-reja/termet-peci-drejtimi-i-duhur-per-tepelenen

 Eshtë një prej shumë premtimeve që iu është bërë banorëve të Tepelenës. Para dhe pas tij shumë të tjera. Por në spitalin me 30 mjekë në vitin 2008, sot ka vetëm 4 të tillë dhe plot 84 shtretër bosh si dëshmi e qartë e mungesës së frekuencës.  “Që kur ministër i Shëndetësisë ishte Leonard Solis, këtë gjë mbaj mend por asgjë nuk është bërë, kemi kërkuar mjek dhe nuk kanë sjellë ”, tregon për “Faktoje’ Shahin Meçaj, mjek i vjetër pneumolog që i duhet të bëjë 4 shërbime roje në javë.

Ka mjaft specialistë dhe studentë në Tiranë nga Tepelena të cilët nuk duan të rikthehen në vendlindje për të ushtruar profesionin e tyre, por kërkojnë të punësohen në kryeqytet. Në Ministrinë e Shëndetësisë autorizimi për të folur për cështjen i është kaluar drejtoreshës Suela Selimi. “Shërbimet janë të mbuluara me specialistë një herë në javë nga Gjirokastra”,  thotë ajo për vizitat.

Por dignostikimet me të plota dhe mjekimet spitalore nuk realizohen këtu. “Ato raste i dërgojmë në Gjirokastër”, sqaron Selimi. Më shumë se 10 telefona në ditë në urgjencë kërkojnë ndihmë për mushkëritë. Secili prej tyre së paku kërkon kryerjen e një grafie. “Për grafi, skopi, operacione kirurgjikale etj, të sëmurët drejtohen në Gjirokastër”, sqarojnë Mecaj dhe Selimi.

Salla e operacioneve është një ambjent i konsiderueshëm, por për funksionimin e saj nuk mungojnë vetëm kirurgët. Aty, shikon mure dhe dyshemenë e dezinfektuar nga pastruesja që përsa kohë s’ka të sëmurë, s’ka as shumë punë. Mungojnë tërësisht pajisjet e domosdoshme për ekzaminimin, aparaturat e radiologjisë, pajisjet e reanimacionit.

Mbi 2500 pacientë me sëmundje të ndryshme kanë nevojë që shërbimet ti marrin në këtë godinë, thuhet në një raport dërguar Ministrisë së Shëndetësisë në vitin 2009.

Sot është ky burrë i moshuar që kërkon thjesht ti matin tensionin. Pas tij një tjetër i thotë mjekut ti shikojë pak analizat. Me vete ai solli edhe grafinë që e kishte bërë në një klinikë private dhe jo në spital siç duhet të ndodhte.  

…..

Zyra Sylotaj dëgjon shumë pak dhe mosha i jep mundësi të lëvizë vetëm nëpër shtëpi. Por sot, e premte e 10 tetorit, ka tre orë që pret specialistët nga Gjirokastra. Dhe për të ardhur deri në këtu, Zyraja udhëtoi një orë me makinë. Çdo javë sipas një grafiku ata vijnë në Tepelenë. Është fundjavë dhe specialistët janë me vonesë. Të moshuarve iu thanë se vonesa e specialistëve është për shkak të një operacioni në spitalin e Gjirokastrës. Nga ana tjetër Zyraja pret ulur në stol dhe nuk do të largohet pa u kontrolluar të mjeku, për një dhimbje pas kokës që e mundon shumë dhe i ka ngrirë qafën.

Pranë saj Esma Shehu nga Bença shoqëron bashkëshortin. Ka muaj që e bën rrugën nga fshati në qytetin e Tepelenës. Fatmirësisht ajo nuk mendon se sëmundja nga e cila vuan bashkëshorti është me rrezik për jetën.
….

Në këtë kohë sirenat e ambulancës alarmojnë jo vetëm të sëmurët në shkallët e spitalit. Mjeku pneumolog Shahini, tregon për një burrë tek 60-tat është në gjendje të  rëndë nga Covid-19. Atij i duhet oksigjen dhe ndihmën e parë do e marrë jo në Tepelenë, por në Gjirokastër, më pas do të dërgohet në Tiranë. Kështu proçedohet në të gjithë vendin, tundin kokën ata si të zënë në faj.

Çdo gjë është në rregull, thotë përmes telefonit Drejtori i Spitalit “Omer Nishani” në Qarkun Gjirokastrës, Sokol Ferruni i cili në këtë rast ndodhet në Asamblenë e Partisë Socialiste në Tiranë. Por vartësi i tij, Drejtori Teknik nuk do të flasë me gazetarët. 

Kur ambulanca nuk kishte dalë akoma nga Tepelena, një tjetër telefonatë njofton për mësuesen e infektuar në Shkollën e Bashkuar me 270 nxënës "Adem Alushi' në fshatin Krahës të Memaliaj. Mësimi u ndërpre menjëherë dhe stafi pedagogjik u vu në pritje të bërjes së tamponit   

 

….
I.H  50 vjeç më shumë se një muaj ishte me Covid bashkë me gruan e tij. “Vetëm një moment mund të ndante jetën nga vdekja.

‘Mu mbyll fyti dhe nuk merrja dot frymë. Natën ndërrohesha 10 herë, rashë 12 kg . Infermierët nuk vinin nga frika, duhet të japësh shumë lekë. Në spitalin e Tepelenës përveçse të flasësh në telefon me pneumologun, asnjë shërbim tjetër nuk merr. Fëmijët me linin lëngjet dhe ushqimin te dera, nuk hynin brenda. S’kisha forcë të shkoja as deri aty për ti marrë. Duhej të flisja në telefon për mjekimin dhe nuk përgjigjesha dot. Kalova një tmerr, njërëzit duhet të besojnë në këtë fakt. Mjekimi është i shtrenjtë. Një tablet hollues gjaku kushton 8 mijë lekë. Për një muaj shpenzuam 3 milion lekë’, tregon burri që edhe më parë respektoi masat anti--covid, por që sot është akoma më i frikësuar. 

“Këtu nuk mund të japim ndihmë për rastet e rënda, dhe të sëmurët kanë frikë të shkojnë në spital”, thotë mjeku. Në shtatë muaj të pandemisë në spitalin e Tepelenës u paraqitën 270 persona më probleme të mushkërive, midis tyre edhe të infektuar më koronavirus, shënohet në regjistrin e Urgjencës. Rastet aktive në 9 Shtator në rang Qarku ishin 37, por në spitalin e Tepelenës çdo ditë ka dhjetra telefonata që kërkojnë Urgjencën për shenjat e virusit. 

……

40 km larg nga Gjirokastra, spitali i Tepelenës po shërben vetëm si një qendër shëndetësore për 80 mijë banorët, bashkë me ata të Permetit dhe të Memaliajt. “Jemi vetëm 4 mjekë, bashkë me mua, një pediatre, radiologu dhe okulisti.”, tregon Shahin Meçja që nga sa duket, i gjithë spitali ka mbetur në dorën e tij. Në vitin 2019 Ministria e Shëndetësisë shpalli tre vakanca për mjekë në spitalin e Tepelenës. Akoma edhe sot është po ky njoftim, por asnjë kandidat mjek nuk i është përgjigjur thirrjes   https://mjeke.shendetesia.gov.al/category/mjekeneparesor/njesia-tepelene

 

“Një mjek nga Fieri që solli ministria u largua pas 6 muaj”, thonë në spital. Kemi dy vajza të reja, ato po vazhdojnë, kurse ai djali i ri iku në Gjermani’, thotë drejtoresha Suela Selimi.

Mungesa e specialistëve kirurgë, ORL, reanimacionit, obstetër etj, është një problem i mbartur prej vitesh. “Të gjitha rastet emergjente që paraqiten në Tepelenë qoftë edhe për një operacion si apandesiti sillen këtu në Gjirokastër”, mësojmë në spital. Autoritetet e Ministrisë së Shëndetësisë e njohin këtë gjëndje por pavarësisht kërkesave të shumta për punësimin e specialistëve, situata nuk ka ndryshuar.  I vetmi zhvillim në Tepelenë ishte ai i vitit 2019 me arrestimin e katër ish- zyrtarëve për një tender fitktiv në vitin 2017, për pajisjen me leje mjedisore të spitalit . Tërmet Peçi prej 2011 është kryebashkiak në këtë vend gjysëm fshat, , por nga zyra e tij nuk merr dot përgjigje, jo vetëm për spitalin 

 

https://faktoje.al/cfare-ndodhi-me-premtimin-per-plotesimin-e-stafit-spitalor-te-tepelenes/